無錯…又係講濕疹! 「濕疹人 」真係梗有一個係左近🤦‍♀️小編由細到大都係敏感人, 由內到外都好敏感, 經常出風癩(又稱:蕁麻疹/風疹/癮疹) 我已經習慣, 但…上年濕疹終於找上我😱😱😱濕疹是由免疫系統出現異常而引起, 濕疹起因我相信你都睇左9萬幾次,我都唔再講, 今次我想分享下我試過衰左/得左既野…let's go🏃‍♀️

首先, 濕疹最煩既係好痕好痕好很痕😖, 你R佢, 因為濕疹皮膚特別乾,一R就損,一損就發炎(因為我係容易發炎體質),一發炎就有疤😫😫😫仲有,會痕到瞓唔到,或者半夜會痕醒,睡眠不足會令身體的修復能力減弱,即係你既濕疹會更難康復😵造成惡性循環◦ 所以當你好痕好痕時, 我非常建議食抗敏感藥(即是:抗組織胺藥), 注意, 抗敏感藥並唔可以醫治敏感, 只可以用來舒緩過敏反應發生時種種的症狀, 想了解多D 可以去哩度👉https://www.medpartner.club/anti-histamine-drug/。我食開2款, 一款係「治敏速」, 治敏速係第二代抗組織胺藥, 24小時食一粒,而且唔會眼瞓, 另一款係「幸福過敏素」,幸福過敏素係第一代抗組織胺藥, 4小時食一粒,係會眼瞓既。我多數會食第二代抗組織胺藥,但有時我敏感發又失眠就會食第一代, 大家可以按自己的情況揀選。

中醫話我係「肝脾濕熱 」總之就係濕滯啦, 其實香港人大部份都係濕熱底, 因為天氣潮濕又鐘意飲凍野🥤食生冷野🍣。西醫就話敏感原因係接觸到致敏原, 另一個原因係腸胃唔好, 叫我試下飲五青汁,可以清理腸胃,而且我係熱底,比較受到寒涼食物,我平均一星期飲2-3次,飲左幾星期濕疹真係退左一半👏👏雖然未勁到可以令我完全好返😅注意, 如果你體質較虛而且畏寒,就未必適合飲五青汁,因為五青汁屬性寒涼, sis 們係period前中後更加唔好飲, 大家要注意哦!

關於戒口,每個人體質唔同,所以我唔多講, 但有一樣野真係人人都應該戒, 就算戒唔甩都要盡量食少D, 哩樣野就係……糖,其實過敏或濕疹都係體內發炎的症狀, 越多的糖, 體內的發炎情形就會更嚴重, 更嚴重係會促進癌細胞增長, 已有醫學報告指出，只要減少糖既攝取量，就可以減低得到癌症既機率。再者, 糖會致肥同皮膚差, 哩D唔使我講啦😈
 

⚠️以上內容純粹個人經驗分享,未必適合每個人的體質,建議先同你既西醫/中醫商量哦⚠️


吳友進 濕疹清 皮膚浸洗劑 500ml
Cetaphil 舒特膚 温和潔膚露 500ml
曼秀雷敦 AD安膚康溫和潔膚乳 500ml
無比膏 嫡護霜 15g
佐藤製藥 小兒皮膚膏 保嬰健膚 30g
Cetaphil 舒特膚潤膚膏 Moisturizing Cream 566g
Cetaphil 舒特膚潤膚露 591ml
Physiogel 
Oilatum
 


#濕疹 #敏感 #風癩 #蕁麻疹 #風疹 #癮疹 #好痕 #治敏速 #幸福過敏素 #Clarityne #佳力天 #抗組織胺 #組織胺 #五青汁 #中醫 #濕熱 #西醫 #腸胃問題

下一編: 濕疹攻略…外用篇